دده قورقود کیتابینین «دیرسهخان اوغلو بوغاج خان» بؤلومونده بئله بیر یازی وار:
«صلقوم صلقوم طاك یلّلری اسدکنده»
یازارلاریمیز بو عبارتی آذربایجان تورکجهسینه کؤچورنده بئله یازیبلار: «سالخیم سالخیم دان یئللری اسدیگینده».
موغولجادا «سالخی» (салхи) «یئل» آنلامیندادیر. اسکی موغولجادا بو کلمه «سالخین» یازیلیر. بو کلمه تورکمن، اوزبک، تاتار و … دیللرینده «سالقین» دئییلیر و «سَرین» آنلامیندا ایشلهنیلیر
«سرین» ده بیر موغولجا سؤزجوکدور.
دئمک بو «سالقیم سالقیم دان یئللری» بوگونکو دیلیمیزده «سرین سرین سحر یئللری» معناسیندادیر.
تورکیهلی شاعر «وداد تورکعلی» «ایستانبول» شعرینین ایلک مصرعسینده بو عبارتی گتیریب:
Salkım salkım tan yelleri estiğinde
«ادیب آغبایرام» بو شعری گؤزل سس ایله اوخویوب.
About the Author
