یارپاق قزئتی ایییرمی ایل اؤنجه اوکتیابر آییندا ایشیق اوزو گؤردو. آلچاقکؤنوللولوکدن اوزاق اولسا دا قزئت بارهده بیر نئچه گئرچکلییی وورغولاماق یئرینه دوشردی:
۱. یارپاق آذربایجان تورکجهسی معیار دیلینین یوموشالماسی، گؤزللشمهسی، اؤزللیکله، گونئی بدیعی نثر دیلینین بللی چالار قازانماسیندا، باشلیجا روا اوینادی.
۲. یارپاق مئدیادا لوگو، دیزاین، ترتیبات و فورما کیمی مسئلهلرین اؤنمینی یئترینجه قابارتدی.
۳. یاییم، یؤنهدیم، اوفیسلر، ائلچیلیکلر شبکهسی و تیراژ باخیمیندان یارپاق بیر یئنیلیک ایدی.
۴. میللی حؤکومت دونمیندن سونرا، یارپاق گونئی آذربایجاندا تام تورکجه بوراخیلان نادیر سامباللی نشر اورگانلاریندان بیری ایدی.
۵. یارپاق مدنیتیمیزده فولکآرت مرحلهسینی آرخادا قویاراق
دبیات و دوشونجه ساحهلرینده جیددی آددیم آتدی. بو ایسه دوشونجه سویهسینین یوکسهلیشینه، ائلهجه ده اوخوجو دایرهسینین گئنیشلنمهسینه یول آچدی.
۶. آذربایجان مطبوعاتینی مضمون و گؤرکم باخیمیندان یارپاقدان اؤنجه و یارپاقدان سونرا جرگهلره بؤلمک اینصافدان اوزاق بیر ادعا ساییلا بیلمزدی.
زحمت اولماسا سواللار، اؤنریلر، تنقیدلرینیزی بوردان و یا دایرئکته گؤندرین. گئنیش بیچیمده اونلارا موناسیبت بیلدیرهجهیم.
About the Author
